Типска семејна куќа во населба Марино, Илинден

Современа типска семејна куќа со минималистички архитектонски израз, проектирана за удобен и функционален семеен живот. Објектот располага со нето површина од 93.40м² и бруто површина од 120м², со внимателно организиран простор кој вклучува дневна соба, трпезарија, кујна, три спални соби и две бањи. Надворешниот изглед е обликуван со комбинација од травертин, декоративен бетон и дрвени облоги, со современи линии и големи стаклени отвори кои овозможуваат природна светлина и визуелна поврзаност со дворот и базенот. Проектот е наменет за новата населба Марино Населба во Општина Илинден и претставува пример за модерно, енергетски ефикасно и естетски усогласено домување.